បញ្ហាបំពង់ខ្យល់៖ការណែនាំអំពីការថែទាំ

Eustachian Tube Problems: Care Instructions

ទិដ្ឋភាពទូទៅ​

បំពង់ខ្យល់ (ហៅថា "you-STAY-shee-un") ភ្ជាប់​ពីត្រចៀក​កណ្តាល​ទាំងសងខាងទៅខាងក្រោយបំពង់ក។ សរីរាង្គនោះរក្សាសម្ពាធខ្យល់ឲ្យមានស្ថេរភាពនៅត្រចៀក។ ប្រសិនបើបំពង់ខ្យល់របស់អ្នកត្រូវបានរាំងស្ទះ នោះសម្ពាធ​ខ្យល់​នៅក្នុ​ង​ត្រចៀករបស់អ្នកក៏ត្រូវផ្លាស់ប្តូរ។ ការផ្លាស់ប្តូរសម្ពាធខ្យល់យ៉ាងឆាប់រហ័សអាចបណ្តាលឱ្យបំពង់ខ្យល់​បិទជិត។ នេះអាចកើតឡើងនៅពេលយន្តហោះផ្លាស់ប្តូររយៈកំពស់​ ឬនៅពេ​ល​ដែ​លអ្នកជ្រមុជទឹកឡើង ឬចុះក្រោមទឹក។ ហើយជំងឺផ្តាសាយអាចធ្វើឱ្យបំពង់នោះហើម ហើយ​រាំងស្ទះ​សារជាតិរាវ​នៅ​ត្រ​ចៀក​​កណ្តាលពីការហូរចេញ។ ដែលអាចបណ្តាលឱ្យឈឺចាប់។

ជារឿយៗ បញ្ហាបំពង់ខ្យល់​​គឺជាសះស្បើយ​ដោយ​ខ្លួនឯ​ង ឬ​ប​ន្ទា​ប់​ពី​ព្យា​បា​ល​មូ​ល​ហេ​តុ​នៃ​ការរាំងស្ទះ។ ប្រសិនបើបំពង់របស់អ្នកបន្តត្រូវបានរាំងស្ទះ នោះអ្នកប្រហែលជា​ត្រូវ​កា​រការវះ​​កាត់។

ការ​ថែទាំតាមដាន​ គឺជា​ផ្នែកមួយដ៏សំខាន់ សម្រាប់ការព្យាបាល និង​សុវត្ថិភាព​របស់អ្នក។ សូមប្រាកដ​ថា អ្នកណាត់ជួប និងទៅជួបគ្រូពេទ​គ្រប់ពេល និង​ទូរស​ព្ទទៅ​វេជ្ជបណ្ឌិត​របស់អ្នក​​ប្រសិនបើអ្នក​មានបញ្ហា។ វាក៏ជាគំនិតមួយល្អដែរក្នុងការដឹងអំពីលទ្ធផលធ្វើតេស្តជំងឺ​របស់អ្នក និងរក្សាទុកបញ្ជីថ្នាំដែលអ្នកប្រើ។

តើអ្នកអាចថែទាំខ្លួនអ្នក​នៅផ្ទះបានដោយ​របៀបណា?

• សាកល្បងលំហាត់ប្រាណសាមញ្ញដើម្បីជួយបើកបំពង់ដែលរាំងស្ទះ។ បិទមាត់របស់អ្នក ទប់ច្រមុះរបស់អ្នក ហើយញើសតិចៗ ដូចជាអ្នកកំពុងញើសសំបោរ។ ការស្ងាប និងការទំពារស្ករកៅស៊ូក៏អាចជួយបានផងដែរ។ អ្នកអាចលឺ ឬមានអារម្មណ៍ថា "ប៉ុប" នៅពេលបំពង់បើក។

• ដើម្បីបន្ធូរបន្ថយការឈឺចាប់ត្រចៀក សូមដាក់ក្រណាត់ស្អាតក្តៅ ឬបន្ទះកម្ដៅទាប។ វាអាចមានការហូរចេញខ្លះចេញពីត្រចៀក នៅពេលកម្ដៅរំលាយអាចម៍តរចៀក។ ដាក់ក្រណាត់ចន្លោះប្រភពកម្ដៅ និងស្បែករបស់អ្នក។

• ប្រសិនបើវេជ្ជបណ្ឌិតរបស់អ្នកចេញវេជ្ជបញ្ជាឱ្យប្រើឱសថផ្សះ សូមប្រើវាទៅតាមការណែនាំ។ មិនត្រូវបញ្ឈប់ការប្រើប្រាស់វាដោយសារតែអ្នកមានអារម្មណ៍ធូរស្រាលនោះទេ។ អ្នកចាំបាច់ត្រូវប្រើប្រាស់ឱសថផ្សះឱ្យបានពេញលេញ។

• ត្រូវប្រើប្រាស់ថ្នាំឲ្យមានសុវត្ថិភាព។ ដោយអាស្រ័យលើមូលហេតុនៃបញ្ហា វេជ្ជបណ្ឌិតរបស់អ្នកអាចណែនាំថ្នាំដែលគ្មានវេជ្ជបញ្ជា។ ឧទាហរណ៍ មនុស្សពេញវ័យអាចសាកល្បងប្រើថ្នាំបំបាត់ការតឹងច្រមុះសម្រាប់រោគសញ្ញាផ្ដាសាយ ឬថ្នាំបាញ់ច្រមុះ​សម្រាប់អាលែកហ្ស៊ី។ អនុវត្តតាមការណែនាំដោយយកចិត្តទុកដាក់។

• សូមប្រុងប្រយ័ត្នចំពោះថ្នាំក្អក និងថ្នាំផ្តាសាយ។ សូមកុំផ្តល់ថ្នាំទាំងនោះទៅក្មេងដែលមានអាយុតិចជាង 6 ខែ ព្រោះថ្នាំទាំងនោះ​មិនមានប្រសិទ្ធភាពចំពោះក្មេងដែលមានអាយុប៉ុណ្ណឹងទេ ហើយវា​អាចមានគ្រោះថ្នាក់ផងដែរ។ សម្រាប់ក្មេងដែលមានអាយុ 6 ខែឡើងទៅ ត្រូវធ្វើតាមគ្រប់ការណែនាំទាំងអស់ដោយប្រុងប្រយ័ត្ន។ សូមប្រាកដក្នុងចិត្ត អំពីបរិមាណថ្នាំដែលត្រូវផ្តល់ឲ្យក្មេង ហើយរយៈពេលយូរប៉ុនណាដែលត្រូវប្រើវា។ ហើយសូមប្រើសម្ភារៈសម្រាប់វាស់កម្រិតថ្នាំ ប្រសិនបើមានភ្ជាប់មកជាមួយ។

តើពេលណាដែលអ្នកគួរហៅសុំជំនួយ?

សូមហៅទូរសព្ទទៅវេជ្ជបណ្ឌិតរបស់អ្នកភ្លាម ឬស្វែង​រក​ការ​ថែទាំផ្នែក​វេជ្ជសាស្ត្រជាបន្ទាន់ ប្រសិនបើ៖

• អ្នកវិវត្តទៅជាការបាត់បង់ការស្តាប់ភ្លាមៗ និងពេញលេញ។

• អ្នកមានការឈឺចាប់ខ្លាំង ឬមានអារម្មណ៍វិលមុខ។

• អ្នកមានចេញខ្ទុះថ្មី ឬកើនឡើង ឬការហូរឈាមចេញពីត្រចៀករបស់អ្នក។

• នៅពីក្រោមត្រចៀក ឬជុំវិញត្រចៀករបស់អ្នកឡើងក្រហម ហើម ឬឈឺចាប់។

តាមដានឲ្យបានដិតដល់រាល់ការប្រែប្រួលសុខភាពរបស់អ្នក ហើយសូម​ប្រាកដថា ទាក់ទងទៅវេជ្ជបណ្ឌិតរបស់អ្នក ប្រសិនបើ៖

• អ្នកមិនធូរស្បើយទេ បន្ទាប់ពី 2 សប្តាហ៍។

• អ្នកមានរោគសញ្ញាថ្មីដូចជារមាស់ ឬអារម្មណ៍ថាហឹងត្រចៀក។

បច្ចុប្បន្នជា: 6 តុលា 2023

កំណែមាតិកា: 14.0

ការណែនាំអំពីការថែទាំដែលត្រូវបានកែសម្រួលក្រោមអាជ្ញាប័ណ្ណដោយ អ្នកជំនាញថែទាំសុខភាពរបស់អ្នក។ ប្រសិនបើអ្នកមានសំណួរអំពីស្ថានភាពសុខភាព ឬការណែនាំនេះ សូមសួរអ្នកជំនាញថែទាំសុខភាពរបស់អ្នកជានិច្ច។ Healthwise, Incorporated បដិសេធការធានា ឬការទទួលខុសត្រូវណាមួយសម្រាប់ការប្រើប្រាស់ព័ត៌មាននេះរបស់អ្នក។