Konprann divètikiloz la ak divètikilit la

Jere kondisyon w

Founisè swen sante ou a ka preskri w pou w chanje rejim alimantè oswa medikaman. Ou ka bezwen opere si pwoblèm ou an grav.

Kèk medikaman ka ede w lache oswa sere twalèt ou, konsa ou twalèt pi fasil. Disponib sou fòm konprime, poud ak anpoul, medikaman sa yo gen ladan l:

• Psyllium

• Methylcellulose

• Polycarbophil

Si w gen yon divètikiloz

Swiv konsèy tretman sa:

• Chanje rejim alimantè w. Souvan, se tout sa ou dwe fè pou ou kontwole sentom yo. Prensipal chanjman yo se ajoute fib epi bwè plis dlo. Fib yo absòbe dlo a lè l travèse kolon w. Sa ede twalèt ou yo rete mòl epi bouje dousman. Dlo ede nan pwosesis sa.

• Si sa nesesè, y ap mande w pou w pran emolyan fekal (ki se yon seri medikaman ki ede swanye ak prevwa konstipasyon) yo vann san preskripsyon yo.

• Pou ede w soulaje doulè, pran medikaman antispasmodik yo jan yo te preskri w yo a.

• Siveye chanjman nan twalèt ou yo. Si w remake chanjman di doktè w la sa.

• Kòmanse yon pwogram egzèsis. Mande doktè w la kòman pou w kòmanse.

• Repoze w epi dòmi anpil. 

Si w gen yon divètikilit

Tretman an depann de gravite sentom ou yo. Yo gen ladan yo:

• Pou sentom lejè yo. Yo ka mete w sou yon rejim likid pandan yon peryòd ki kout. Yo ka preskri w medikaman antibyotik. Si de etap sa yo soulaje sentom ou yo, yo ka preskri w yon rejim alimantè ki rich an fib. Si w toujou gen sentom yo, founisè swen sante w la ap diskite avèk ou sou lòt opsyon tretman yo.

• Pou sentom grav yo. Ou ka bezwen etène nan lopital. La, yo ka ba ou kèk antibyotik ak likid nan sewòm (vwa entravenez). Y ap metew tou sou yon rejim alimantè ki pa gen anpil fib oubyen likid. Ou ka bezwen opere si tretman medikal yo pa soulaje sentom yo oswa si divètikil la pete.

Kle sante kolon an

Ede kolon w rete an bòn sante ak konsèy sou fason pou w viv:

• Manje yon rejim ki sen. Tankou anpil fwi, legim ak sereyal konplè ki gen anpil fib.

• Bwè anpil likid tankou dlo ak ji.

• Viv yon fason ki sen. Toujou fè egzèsis, jere estrès ou epi repoze ak dòmi ase.