Pwoblèm Nivo Konsyans
Nivo konsyans (LOC) se mezi kapasite yon moun pou kominike ak lòt moun epi reyaji a sa ki bò kote l yo. Yon moun ki gen yon pwoblèm nivo konsyans ka pa reponn lè yo manyen l oswa lè l tande vwa yo. Yo ka sanble parèt lwen oswa vid. Yo ka pa fè kontak zye ak lòt moun. Moun nan ka mou epi li pa bouje pandan lontan. Oswa yo ka pa montre anpil enterè pou bouje. Yo ka parèt twouble tou.
Gen anpil rezon ki lakoz pwoblèm LOC la. Tankou kantite sik nan san an ki ba, enfeksyon, medikaman, blesi nan tèt, kriz malkadi, aksidan vaskilè serebral ak entoksikasyon.
Pwoblèm LOC se yon ijans medikal. Founisè swen sante a pral fè tès pou ede w jwenn kòz la. Sa ka gen ladan l tès san ak tès imaj. Moun sa a trete yon fason pou respirasyon l ak ritm kadyak li estab. Yo ka mete yon liy IV (entravenez) nan yon venn nan bra a oswa nan men pou bay medikaman. Depi yo fin jwenn kòz pwoblèm LOC la, objektif la se trete kòz la.
Nan prèske tout ka yo, yo pral etène moun nan lopital la pou fè tès dyagnostik ak obsèvasyon.
Gen kèk kondisyon ki mwens komen, tankou sendwòm blokaj ak mitis akinetik, ki sanble tankou yon koma. Men, moun nan byen reveye.
Swen adomisil
Lè moun pwòch ou a soti lopital la, y ap ba w konsiy pou w pran swen l. An jeneral:
-
Swiv enstriksyon founisè swen sante a pou bay pitit ou a nenpòt medikaman yo te preskri l.
-
Rete ak pwòch ou a oswa fè yon lòt granmoun responsab veye sou li. Siveye ak anpil atansyon pou nenpòt retou sentòm yo oswa chanjman nan konpòtman l.
-
Si moun nan gen dyabèt, asire w ke yo bay li tout medikaman ki apwouve yo alè epi jan yo te preskri yo.
Suivi pou swen yo
Fè swivi ak founisè swen sante ou a, oswa anplwaye nou yo jan yo rekòmande a.
Kilè pou w chache konsèy medikal
Rele founisè swen sante ou a tousuit si gen nouvo sentom ki parèt.
Rele 911
Rele 911 oswa jwenn swen medikal touswit si sentòm pwoblèm LOC la retounen.