Diyeta: Diabetes

Mga alituntunin para sa tagumpay

Makipag-usap sa iyong tagapangalaga ng kalusugan bago simulan ang diyeta para sa diabetes o programa sa pagbabawas ng timbang. Kung hindi ka pa nakikipag-usap sa isang dietition, humingi sa iyong tagapangalaga ng referral. Makatutulong sa iyo ang mga sumusunod na alituntunin upang magtagumpay:

• Pumili ng mga pagkain mula sa 6 na grupo ng pagkain na nasa ibaba. Tutulungan ka ng iyong dietitian na humanap ng mga pagpipiliang pagkain sa bawat grupo. Ipakikita rin niya ang dami ng takal at kung ilang takal ang maaari mong kainin sa bawat pagkain.

  • Mga butil, beans, at mga gulay na may arina

  • Mga gulay

  • Prutas

  • Gatas o yogurt

  • Karne, manok, isda, o tofu

  • Malulusog na taba

• Suriin ang lebel ng iyong asukal sa dugo ayon sa ibinilin ng iyong tagapangalaga. Inumin ang anumang gamot ayon sa inireseta ng iyong tagapangalaga.

• Pag-aralang basahin ang mga etiketa ng pagkain at piliin ang tamang dami ng bahagi.

• Limitahan ang mga carbohydrate sa bawat pagkain upang makatulong na makontrol ang iyong diabetes. Nagiging glucose sa dugo ang mga carbohydrate na kinakain mo. Hindi ito nangangahulugan na hindi ka kakain ng mga carbohydrate. Makipag-usap sa iyong tagapangalaga ng kalusugan tungkol sa kung gaano karaming gramo ng carbohydrate ang inirerekomenda para sa iyo sa bawat pagkain. Kumain ng 3 pagkain sa isang araw, sa mga parehong oras. Huwag lumaktaw sa pagkain. Kung nagugutom ka sa pagitan ng mga pagkain, kumain ng kaunti at mababa ang carbohydrate na meryenda.

• Makipag-usap sa iyong tagapangalaga ng kalusugan kung umiinom ka ng alkohol. Maaaring mayroong hindi mahuhulaang mga epekto ang alkohol sa glucose sa dugo. Mataas din ito sa walang lamang calories at maaaring itaas ang isang uri ng taba sa dugo na tinatawag na triglycerides. Uminom ng tubig o mga inuming pangdiyeta na walang calorie sa halip.

• Kumain ng kaunting taba upang matulungan kang mapababa ang iyong panganib ng pagkakaroon ng sakit sa puso. Gumamit ng mga produktong gawa sa gatas na wala o kakaunti ang taba at mga karneng walang taba. Iwasan ang mga pritong pagkain. Gumamit ng mga langis na panluto na unsaturated, gaya ng olive, canola, o peanut oil.

• Huwag kumain ng mga pagkaing may dagdag na asin. Nagdudulot ang asin ng mataas na presyon ng dugo, na maaaring maging sanhi ng sakit sa puso. Mayroon nang panganib para sa mataas na presyon ng dugo at sakit sa puso ang mga taong may diabetes.

• Manatiling malusog ang timbang. Kung kailangan mong magbawas ng timbang, bawasan ang mga dami ng iyong bahagi. Pero huwag kailanman lumaktaw sa mga pagkain. Mahalagang bahagi ng anumang programa sa pamamahala ng timbang ang ehersisyo. Makipag-usap sa iyong tagapangalaga tungkol sa programang pag-eehersisyo na tama para sa iyo.

• Para sa karagdagang impormasyon tungkol sa pinakamahusay na plano ng diyeta para sa iyo, makipag-usap sa isang RD. Para humanap ng isang RD sa iyong lugar, makipag-ugnayan sa:

  • Academy of Nutrition and Dietetics sa www.eatright.org

  • American Diabetes Association sa www.diabetes.org o 800-342-2383

  • Association of Diabetes Care and Education Specialists sa www.diabeteseducator.org/