Konprann menopoz la

Sentom

Pafwa yo konn rele perimonopoz la tranzisyon menopoz la. Sa fèt nan mwa oubyen ane anvan menopoz la. Sa ka rive lè w rive nan mitan karantèn ou. Pandan tan sa yo nivo estwojèn ou yo monte, yo desann epi yo desann nèt. Se sa ki fè w ka petèt remake kèk nan sentom sa yo.

• Peryòd manstriyèl la vin plis oubyen pi piti pase sa ki nòmal la

• Peryòd manstriyèl pi lejè oubyen pi lou ke nòmal la.

• Ogmantasyon sentom sendwom premanstriyèl yo (SPM).

• Yon sansasyon chalè ki anvayi tout kò a

• Swe nan nwit

• Karaktè enstab

• Sechrès vajinal avèk posib doulè lè wap fè sèks

• Difikilte pou dòmi oubyen pou rete ap dòmi

• Dimininisyon anvi fè sèks ak fonksyonnman ògàn seksyèl yo.

• Pipi souvan

Li enpòtan pou w konnen ke w ka ansent jiska 12 mwa aprè dènye règ ou a. Mande doktè w la ki metòd kontrasepsyon w ka chwazi. 

Kontwòl sentom yo

Doktè w la ka konseye w pilil yo oubyen yon dispozitif entraiteren (DIU) ki gen ladann òmòn pwojestewòn nan. Sa ka fè règ ou vin pi regilye epi evi seyen ki anplis yo. Si w prezante sentom ki gen pou koz yon bès to estwojèn yo, doktè w la ka konseye w pilil ki gen ladann estwojèn oubyen pwojestewòn. Se sa yo rele òmonoterapi a.  Gen lòt medikaman sou òdonans ki ka ede kontwole kèk nan sentom yo, tankou sansasyon chalè ki anvayi tout kò a, karaktè enstab, ak sechrès vajinal la.

W ap jwenn lòt mwayen pou jere sentom yo anba a.

• Yon sansasyon chalè ki anvayi tout kò a Mete kouvèti ke w ka retire. Eseye rad, dra, ak kouvèti ki an koton nèt. Mete yon vè dlo glase bò kabann ou an.

• Doulè lè w ap fè sèks. Ou ka achte yon librifyan ki fèt ak dlo oubyen yon idratan vajinal nan famasi ki ka ede w. Doktè w la ka ba ou tou yon krèm ki fèt ak estwojèn pou vajen w.

• Karaktè enstab. Pale avèk zanmi k ap viv menm chanjman yo ka ede pafwa.