Ehersisyo: Bakit Mahalaga ang Lakas ng Katawan

Katamtaman at matinding pisikal na gawain

Sikaping abutin ang kabuuang 150 minuto o higit pa sa loob ng isang linggo ng katamtamang tindi ng aerobic na pisikal na gawain. O subukan sa loob ng 75 minuto o higit pa ang matinding aerobic na gawain sa isang linggo. O gumawa ng katumbas na pinagsama ang dalawang nabanggit.

• Katamtamang tindi na aktibidad. Ibig sabihin nito na tumitibok nang mabilis ang iyong puso. At maaari kang magsalita habang nag-eehersisyo ka. Ang mga halimbawa ay ang pagsasayaw, paghahalaman, at paglalakad nang mabilis.

• Matinding aktibidad. Ibig sabihin nito na tumitibok nang mabilis ang iyong puso. At mahirap magsalita ng mga buong pangungusap habang nag-eehersisyo ka. Maaaring kasama sa mga halimbawa ang pagtakbo, mga lap ng paglangoy, pag-akyat sa burol.

Subukang ikalat ang iyong aktibidad sa buong linggo. At, 2 araw sa isang linggo, gawin ang mga aktibidad sa pagpapalakas ng kalamnan. Gawin ito nang katamtaman o mas matindi.

Ilang benepisyo ng malakas na katawan

Ang mga taong malakas ang katawan:

• Ay mas alerto at produktibo

• May mas maraming enerhiya, parehong pisikal at mental

• Mas mahusay na kinokontrol ang stress

• Mas mahimbing matulog

• Mayroong mas mahusay na pangkalahatang kalusugan

• Ay hindi gaanong malamang na mapinsala

Suriin muna ang iyong kalusugan

Magandang ideya na makipag-usap sa iyong tagapangalaga ng kalusugan bago magsimula ng bagong programa ng ehersisyo. Mahalaga ito lalo na kung oo ang sagot mo sa alinman sa mga tanong na nasa ibaba:

• Mayroon ka bang di-gumagaling na problema sa kalusugan? Ang mga halimbawa ay ang sakit sa puso, diabetes, at osteoarthritis.

• Nagkaroon ka na ba ng mga pananakit ng dibdib?

• Nakaramdam ka na ba ng pagkawala ng malay o nagkaroon ng mga sandaling nahihilo?

• Nasabi na ba ng isang tagapangalaga na napakataas ng presyon ng iyong dugo?

• Mayroon ka bang pananakit ng alinmang kasukasuan?

• Umiinom ka ba ng anumang inireresetang gamot?

Mababawasan ba ang aking timbang?

Marami sa atin ang gustong magbawas o magdagdag ng ilang pound. Makakatulong ang pagiging mas aktibo sa bawat araw at ang pagpapalaki ng kalamnan. Narito kung paano:

• Nasusunog ang mga calorie sa isang gawain. Nasusunog mo ang halos dalawang beses na dami ng calories sa paglakad lang nang mabagal kaysa sa nagagawa mo sa iyong pag-upo.

• Mas maraming calories ang sinusunog ng kalamnan kaysa taba. Kung mas maraming kalamnan ang napalalaki mo, mas maraming calories ang nasusunog mo.

• Gagamit ka ng mas maraming calories kahit na hindi ka aktibo kung magdaragdag ka ng mas maraming kalamnan.

• Tumutulong sa iyo ang mga gawain na mapanatili ang mas maraming kalamnan habang tumatanda ka. Nangangahulugan ang mas maraming kalamnan na mas madaling kontrolin ang iyong timbang.