Enstriksyon Ekzeyat pou Maladi Gastwoezofajyen (Gastroesophageal Reflux Disease, GERD)

Swen Adomisil

Etap sa yo pou w pran swen w lè w lakay ou ka ede w jere GERD la:

• Rete nan yon pwa ki bon pou sante w. Chache èd pou w ka pèdi tout pwa an plis.

• Pa kouche aprè w fin manje.

• Pa manje ta nannuit.

• Mete tèt ou wo nan wotè 4 a 6 pous sou kabann ou. Ou ka fè sa lè w mete blòk an bwa oubyen bagay ki pou bay kabann nan wotè anba tèt kabann ou an. Oubyen w ka mete yon bagay (wedge) pou soulve anba matla a.

• Pa mete rad ki sere.

• Pa pran manje oswa bwè bagay ki ka deranje lestomak ou. Tankou manje ak ji ki gen:

  • Alkòl

  • Grès

  • Chokola

  • Kafeyin

  • Mant vèt oswa mant

  • Fwi ki sot nan menm fanmi ak sitwon oswa lòt ji asid

  • Piman, lay, zonyon, oswa lòt epis tankou sa yo

• Pale ak founisè swen sante w la si w ap pran medikaman. Kèk medikaman ka fè sentom GERD yo vin pi mal. Tankou:

  • Inibitè kalsik yo (Calcium channel blockers)

  • Theophylline

  • Medikaman antikolinèjik yo, tankou oksibitinin ak benzatwopin

• Kòmanse yon pwogram ekzèsis. Mande founisè swen sante w la kijan pou w kòmanse. Kèk aktivite senp, tankou mache oubyen fè jaden, ka ede w.

• Si w fimen, pran mezi pou w sispann. Rejwenn yon pwogram kite fimen pou w ogmante chans pou w kite a.

• Limite kantite alkòl w ap bwè.

• Si yo preskri w medikaman pou GERD, pran li jan yo mande w sa. Pa sote dòz yo.

• Pa pran medikaman anti enflamatwa ki pa gen estewoyid (NSAIDs) san preskripsyon, amwens founisè swen sante w la KONSEYE W sa. Tankou aspirin ak ibipwofèn. 

• Si w ansent pale de tretman w lan ak founisè swen sante w la. GERD la ka kòmanse oswa li vin pi mal pandan gwosès la.

Suivi pou swen

Al fè vizit kontwòl jan estaf sante ou a mande pou w fè sa.

Rele 911

Rele 911 si w gen nenpòt nan sentom sa yo:

• Ou gen doulè nan kou w, pwatrin ou, oubyen nan do w

• Ou gen etoufman, tous, ou gen difikilte pou respire oswa w gen souf anlè

Kilè pou w rele founisè swen sante w la

Rele founisè swen sante w la imedyatman si w gen nenpòt nan siy sa yo:

• Ou gen difikilte pou w vale

• Ou gen difikilte lè ou ap vale

• Ou santi manje rete sou lestomak ou oubyen nan gòj ou

• Ou gen kè brile ki fè w vomi

• W ap vomi san oswa tankou ma kafe

• Ou twalèt nwa oubyen goudwon

• Ou krache plis pase dabitid

• W ap pèdi pwa lè w p ap eseye pèdi pwa

• Ou gen mal gòj ki pa vle pase