Diabetes at ang Iyong Anak: Ligtas na Ehersisyo

Sa una, suriin ang asukal sa dugo ng iyong anak bago, habang, at pagkatapos mag-ehersisyo upang makita kung paano ito naaapektuhan ng ehersisyo. Pagkatapos, suriin ang asukal sa dugo ng iyong anak bago at matapos ang bawat sesyon ng ehersisyo.

Turuan ang iyong anak kung paano tukuyin ang mga kritikal na sintomas at kung paano pamahalaan ang kanyang diabetes.

Pakainin ng meryenda ang iyong anak bago mag-ehersisyo kapag mababa sa target na saklaw ang kanyang asukal sa dugo. Subukan ang kalahating sandwich, isang piraso ng prutas, o isang energy bar.

Huwag gumamit ng mga pinagkukunan ng carbohydrate na mataas sa protina, gaya ng gatas o mani. Maaari nitong dagdagan ang pagtugon ng insulin sa mga carbohydrate.

Siguraduhing malapit ang mga mabilis ang bisa na tabletang glucose at emergency glucagon kit ng iyong anak. Isang iniksyon ang glucagon na mabilis na nagpapataas ng asukal sa dugo. Itanong sa tagapangalaga ng iyong anak ang tungkol sa nasal glucagon.

Kung nasa 250 mg/dL o mas mataas pa ang asukal sa dugo ng iyong anak, magsuri para sa mga ketone. Kung mataas ang mga lebel ng ketone, huwag hayaan ang iyong anak na mag-ehersisyo. Tumawag sa tagapangalaga ng kalusugan ng iyong anak. Kung mababa ang mga lebel ng ketone, maaaring magsagawa ang iyong anak ng banayad hanggang katamtamang-tindi na ehersisyo. Huwag hayaan ang iyong anak na magsagawa ng matinding ehersisyo hanggang mas mababa sa 250mg/dL ang lebel ng asukal sa dugo. Maaaring mas tumaas ang mga lebel ng asukal sa dugo dahil sa matinding ehersisyo. 

Sabihin sa mga tagapagsanay na may diabetes ang iyong anak.

Bigyan ang tagapagsanay ng iyong anak ng isang listahan ng mga sintomas ng mababang asukal sa dugo. At, magbigay ng mga tagubilin sa kung ano ang gagawin kapag mababa ang asukal sa dugo ng iyong anak. Siguraduhing alam ng coach kung kailan tatawag sa 911.

Pabaunan ang iyong anak ng mga meryendang mataas sa carb. Maaari itong isang granola bar at sports drink.

Siguraduhing mayroong dalang asukal na mabilis ang bisa ang iyong anak, tulad ng mga tabletang glucose o meryerda, kung sakaling bumaba ang kanyang asukal sa dugo. Siguraduhing alam ng tagapagsanay kung saan nakalagay ang mga meryenda at tableta.

Pakiusapan ang tagapagsanay na maglagay ng mga meryenda, tableta ng glucose, at glucagon sa sports bag ng team. Siguraduhin na sinanay ang tagapagsanay o isa pang adulto sa paggamit ng glucagon.

Huwag hayaan ang iyong anak na magsanay o maglaro kung labis na mataas ang kanyang asukal sa dugo at mayroong mga ketone. Muli, siguraduhing alam ng tagapagsanay ang tungkol sa mga ketone at hindi dapat mag-ehersisyo ang iyong anak kapag mayroon ng mga ito.

Sabihin sa mga magulang ng mga kaibigan ng iyong anak ang tungkol sa diabetes ng iyong anak. Kung hindi tututol ang iyong anak, maaari mo ring turuan ang kanyang mga kaibigan tungkol sa diabetes.

Ituro sa mga kaibigan ng iyong anak at sa kanilang mga magulang kung paano makita at gamutin ang mababang asukal sa dugo. Nangangahulugan ang paggamot sa mababang asukal sa dugo na paggamit ng mga pagkain, meryenda, at pinagmumulan ng asukal na mabilis ang bisa, tulad ng mga tabletang glucose o juice, upang ibalik sa target na saklaw ang asukal sa dugo.

Magpabaon ng inihandang pagkain at meryenda, kung maaari. Gagawin nitong mas madali para sa ibang magulang na tulungan ang iyong anak na maiwasan ang mga pagbaba ng asukal sa dugo. Samahan ng paalala na nagsasabi sa magulang kung kailan dapat kumain ang iyong anak.

Siguraduhin na agad kang matatawagan ng iyong anak at ng mga adulto sa bahay kung saan siya bumibisita, kung kailangan.

Makipag-usap sa mga magulang tungkol sa mga panganib ng labis na mababang asukal sa dugo. At, sabihin sa mga magulang kung kailan tatawag sa 911.

American Diabetes Association sa www.diabetes.org

Children with Diabetes sa www.childrenwithdiabetes.com

Juvenile Diabetes Research Foundation sa www.jdrf.org

Endocrine Society sa www.endocrine.org/topics/diabetes