Swen w Bay Tèt ou Lè w gen Vomisman ak Dyare

Chwazi likid ki klè tankou dlo oubyen bouyon.

Pa bwè bagay ki gen anpil sik ladan yo. Tankou ji oubyen kola. Sa yo ka fè dyare a vin pi mal.

Pa pran bwason ki gen kafeyin ak alkòl.

Si w gen gwo vomisman oswa gwo dyare, pa bwè bwason ki bay enèji yo oswa solisyon elektwolit yo. Sa yo pa gen bon kantite melanj dlo, sik, ak mineral. Yo ka agrave sentom yo. Eseye bwè sewòm oral. 

Souse glason si kè plen an fè li difisil pou w bwè.

Lè vomisman an ap diminye epi apeti w ap retounen, repran rejim alimantè w la yon fason pwogresif.

Mande founisè swen sante w la si gen kèk manje ou pa ta dwe manje.

Pa itilize medikaman pou w kanpe dyare a oubyen vomisman an sof si founisè swen w lan mande w sa. Vomisman ak dyare ap ede kò w debarase l de sibstans ki pa bon yo.

Gen kèk medikaman ki ka lakoz vomisman ak dyare. Di moun k ap ba w swen an tout medikaman w ap pran. Mande kiyès ladan yo ki ka pwovoke sentom sa yo.

Aspirin ak lòt medikaman kont enflamasyon ki pa estewoyidyen (NSAID) kapab ba w pwoblèm nan lestomak. Pa itilize yo lè w gen lestomak ou k ap fè w mal.

Gen kèk medikaman yo vann san preskripsyon ki ka ede w kontwole vomisman an. Gen lòt ki ka ede w soulaje lestomak fè mal la. Mande founisè swen sante w la ki medikaman ki ka ede w.

Vomisman oubyen poupou ki gen san oubyen ki tou nwè

Yon gwo vant fè mal ki konstan

Vomisman mache ak yon move tèt fè mal oubyen yon kou rèd

Yon vomisman aprè yon blese nan tèt

W ap vomi w ap dyare pou plis pase 1 èdtan

Ou pa ka bwè likid apre plis pase 12 èdtan

Yon vomisman ki dire plis pase 24 èdtan

Yon gwo dyare ki dire plis pase 2 jou

Lafyèv 100,4°F (38°C) oswa pi wo, oswa jan yo endike sa a

Po w ak pati ki blan nan je w yo jòn (lajonis)

Ou pa ka pipi 

Ou pa ka pran yon seri medikaman nan bouch tankou sa ki pou kriz malkadi yo oubyen pwoblèm kadyak yo