Vètij (Kòz ki pa sèten)

Swen lakay

• Vètij ki rive lè w kanpe toudenkou gendwa yon siy dezidratasyon lejè. Bwè likid siplemantè pandan pwochen detwa jou yo.

  Si w gen tandans gen tèt vire chak fwa ou leve kanpe sot nan pozisyon chita oswa kouche (lonje):

  • Evite chanjman toudenkou nan posti.

  • Leve sot nan yon pozisyon kouche dousman, epi rete chita pandan kèk moman anvan w kanpe.

  • Lè w ap kanpe, asire w gen yon bagay pou w kenbe.

• Si w te kòmanse yon nouvo medikaman resaman, ou sispann yon medikaman, oswa yo te chanje dòz la nan yon medikaman w ap pran aktyèlman, pale ak founisè swen sante ki w preskri la. Plan medikaman w ka bezwen ajisteman.

• Si vètij la dire plis pase kèk segonn, chita oswa kouche jiskaske li pase. Sa ka ede evite blesi sizoka ou endispoze. Leve dousman lè w santi w pi byen.

• Ou ka bezwen yon baton oswa lòt èd pou mache pou evite tonbe si w vin gen tèt vire.

• Pale avèk founisè swen sante w sou konsomasyon chak jou w nan kafeyin, alkòl, ak tabak.

• Pa kondi ni itilize zouti elektrik oswa ekipman danjere jiskaske ou pa gen okenn vètij pandan omwen 48 èdtan.

Swen swivi

Fè swivi avèk founisè swen sante w pou plis evalyasyon nan pwochen 7 jou yo, oswa jan yo konseye w.

Lè pou jwenn konsèy medikal

Rele founisè swen sante w pou nenpòt nan ki pral site la yo:

• Agravasyon sentòm yo oswa nouvo sentòm

• Vomisman repete

• Maltèt

• Chanjman nan vizyon oswa nan tande

Rele 911

Rele 911 , touswit si nenpòt nan sa yo rive:

• Maltèt grav toudenkou oswa doulè nan pwatrin, bra, kou, do, oswa machwè

• Angoudisman oswa feblès nan yon bra oswa janm oswa yon bò nan figi

• Vomi oswa poupou ki nwa oswa wouj

• Souf kout

• Santi kè w ap vibre oubyen ap bat fò oswa rapid (palpitasyon)

• Endispozisyon oswa kriz

• Pwoblèm pou mache oswa pou pale